Pakistan Petrol and Diesel Prices Cross ₹415 : ऐन मध्यरात्री घेतलेल्या निर्णयामुळे पाकिस्तानमध्ये मोठी खळबळ उडाली आहे. जागतिक युद्धजन्य परिस्थिती आणि आयएमएफच्या जाचक अटींचा परिणाम म्हणून पाकिस्तानमध्ये इंधनाचे दर अचानक वाढवण्यात आले आहेत. पेट्रोल आणि डिझेलच्या दरात तब्बल १५ रुपयांची वाढ करण्यत आली आहे. त्यामुळे पेट्रोल आणि डिझेलचे दर 415 रुपयांच्या पुढे गेले आहेत. होर्मुझचा जलमार्ग बंद झाल्यामुळे निर्माण झालेल्या जागतिक पुरवठा टंचाईचा थेट फटका पाकिस्तानला बसत असल्याचं सांगितलं जात आहे. या दरवाढीमुळे सामान्य नागरिकांमध्ये तीव्र नाराजी आणि अस्वस्थता पसरली असून दैनंदिन जीवनावर मोठा परिणाम झाला आहे.