भारताने ९ ठिकाणी एअर स्ट्राइक केल्यानंतरही पाकिस्तानची मस्ती काय उतरत नसल्याचं दिसत आहे. सैन्य दलाच्या कारवाईनंतरही पाकिस्तानच्या कुरापत्या सुरुच आहे. पाकिस्तानातून गुजरातमधील नरेंद्र मोदी स्टेडिअम बॉम्बने उडवून देण्याची धमकी देण्यात आली आहे. पाकिस्तानातून गुजरात क्रिकेट असोशिएशनला धमकीचा ईमेल आला आहे. या धमकीनंतर पोलिसांनी तपास सुरु केला आहे. पाकिस्तानातून आलेल्या धमकीच्या मेलनंतर खळबळ उडाली आहे. या धमकीमुळे पोलीस अलर्ट मोडवर आले आहेत. पोलिसांनी तातडीने धमकीच्या ईमेलचा तपास सुरु केला आहे.