Paid Leave For Municipal Election Marathi News : राज्यातील नोकरदार वर्गासाठी मोठी बातमी. 15 जानेवारी रोजी मुंबई, ठाण्यासह 29 महापालिकांच्या निवडणुकांसाठी राज्य सरकारने 'भरपगारी सुट्टी' जाहीर केली आहे. खासगी कंपन्या, आयटी पार्क्स आणि मॉलमधील कर्मचाऱ्यांनाही हा नियम लागू असेल. मतदानाचा हक्क बजावता यावा यासाठी हा निर्णय घेण्यात आला आहे. तसंच सुट्टी न देणाऱ्या आस्थापनांवर कडक कारवाईचा इशारा उद्योग आणि कामगार विभागाने दिला आहे.

मुंबई, पुण्यासह राज्यातील २९ महापालिकेच्या निवडणुकीचा धुरळा उडाला आहे. १५ जानेवारी राजी २९ महापालिकेसाठी मतदान होणार आहे. तर १६ जानेवारी रोजी निकाल जाहीर होणार आहे. ज्या ठिकाणी मतदान होणार आहे, त्या ठिकाणी राज्यात भरपगारी सुट्टी जाहीर करण्यात आली आहे. त्याशिवाय ज्या ठिकाणी मतदान आहे, त्या ठिकाणी शाळांनाही सुट्टी जाहीर करण्यात येणार आहे.