राज्यात ५० हजारांहून अधिक शिक्षक पगार वाढीच्या प्रतीक्षेत असल्याचं बघायला मिळत आहे. आर्थिक वर्ष संपायला २ महिनेच शिल्लक आहेत. मात्र तरीही या शिक्षकांची पगारवाढ झालेली नाही. वाढीव टप्पा अनुदान रखडलेलं आहे. चालू आर्थिक वर्षाचं तब्बल ११०० कोटी रुपयांचं अनुदान न मिळाल्याने ५० हजारांपेक्षा जास्त शिक्षक हे पगारवाढीच्या प्रतीक्षेत आहेत. सेवक संच नसल्याने आणि सरकारच्या तिजोरीत खडखडात असल्याने शिक्षण खात्याने निधीसाठी प्रस्तावच पाठवलेला नाही, अशी धक्कादायक बाब आता समोर आली आहे.

वाढीव अनुदानास पात्र शाळा या ३ हजार ४२७ आहेत. तर टप्पा अनुदानाची प्रतिक्षा असलेल्या शाळा या १५ हजार ५७१ आहेत. पगारवाढीतील शिक्षक हे अंदाजे ५१ हजार आहेत. वाढीव टप्प्यासाठी अपेक्षित निधी ११०० कोटी रुपयांचा आहे.