Will Omraje Nimbalkar return to Uddhav Thackeray Shiv Sena : ओमराजे निंबाळकर पुन्हा एकदा ठाकरेंच्या शिवसेनेच्या संपर्कात असल्याची माहिती समोर आली आहे. पुण्यात वरूण सरदेसाई यांनी निंबाळकर यांची भेट घेत मनधरणीचे प्रयत्न केले. त्यातच आदित्य ठाकरेंच्या वक्तव्यानंतर आता ओमराजे पुन्हा ठाकरेंकडे परतणार का? अशी चर्चा सुरू झाली आहे. एकनाथ शिंदेंनी ठाकरेंचे ६ आमदार फोडल्याने राज्याच्या राजकारणात खळबळ उडाली आहे. यामध्येच ओमराजे निंबाळकर यांचाही समावेश आहे. आता आदित्य ठाकरेंच्या सूचक वक्तव्यानंतर ओमराजे ठाकरेंकडे माघारी परतणार का? अशी शक्यता वर्तवली जात आहे.

आदित्य ठाकरे यांनी म्हटले आहे की, शिवसेना पक्षप्रमुख उद्धव ठाकरे यांचे मन खूप मोठे आहे. जे कोणी मोठ्या मनाने पक्षात पुन्हा परतू इच्छितात, त्यांचे स्वागत आहे.

खासदार ओमराजे निंबाळकर यांनी "मी अजून कोणत्याही पक्षात गेलो नाही" असे वक्तव्य केले होते. त्यावर बोलताना आदित्य ठाकरे म्हणाले की, परवा झालेल्या बैठकीला ते आले होते आणि ते आम्हा सर्वांना दिसले आहे. जर कोणाला परत यायचे असेल, तर ते येऊ शकतात.

पळून गेलेल्या किंवा इतर कारणांमुळे पक्षापासून दूर गेलेल्या नेत्यांवर टीका करताना त्यांनी म्हटले की, आम्ही पुन्हा थेट जनतेशी संवाद साधणार आहोत, कारण या लोकांना जनतेनेच निवडून दिले होते.