सीरियातील मध्यवर्ती शहर पालमायरा येथे ‘ऑपरेशन हॉक आय’ राबवण्यात आले. काही दिवसांपूर्वी अमेरिकन आणि सीरियन सैन्याच्या ताफ्यावर संशयित इस्लामिक स्टेटच्या हल्ल्यात दोन अमेरिकी सैनिक आणि एका अमेरिकन नागरिकाचा मृत्यू झाला होता. या घटनेनंतर अमेरिकेने इस्लामिक स्टेटविरोधात मोठी लष्करी कारवाई केली आहे.

अमेरिकन सैनिकांच्या हत्येनंतर अमेरिका सज्ज झाली असून शुक्रवारी 19 डिसेंबरच्या रात्री ‘ऑपरेशन हॉक आय’ अंतर्गत सीरियातील पालमायरा परिसरात इस्लामिक स्टेटच्या ठिकाणांवर जोरदार हल्ले करण्यात आले. रात्रीच्या अंधाराचा फायदा घेत सुमारे 70 ठिकाणी ताबडतोब हवाई हल्ले करण्यात आले. पेंटागनचे प्रमुख आणि अमेरिकेचे संरक्षण सचिव पीट हेगसेथ यांच्या माहितीनुसार या कारवाईत इस्लामिक स्टेट (ISIS) ला मोठे नुकसान झाले असून 70 पेक्षा अधिक तळ उद्ध्वस्त करण्यात आले आहेत.