केंद्रीय गृहमंत्री अमित शाह यांनी छत्तीसगड आणि तेलंगणा सीमेवरील कर्रगुट्टलू डोंगराळ परिसरात सुरक्षा दलांनी केलेल्या कारवाईमध्ये 31 नक्षलवाद्यांना यमसदनी पाठवण्यात आल्याची माहिती दिली आहे. त्यात त्यांनी नमूद केले आहे की, नक्षलवादाविरुद्धच्या लढाईत मोठे यश मिळाले असून ही कारवाई ऑपरेशन ब्लॅक फॉरेस्ट अंतर्गत करण्यात आले आहे. आणि ही आतापर्यंतची सर्वात मोठी कारवाई ठरली आहे.

अमित शाह यांनी आपल्या एक्स अकाऊंटवर पोस्ट करत लिहिले आहे की, नक्षलमुक्त भारत संकल्पनात ऐतिहासिक यश सुरक्षा दलांनी कर्रगुट्टलू डोंगरावर तिरंगा फडकावला. यावेळी त्यांनी CRPF, STF, DRG यांच्या लढाईचे कौतुक करत संपूर्ण देशाला तुमच्यावर गर्व आहे असा विश्वास दिला.