महाराष्ट्राच्या राजकारणातील एक सर्वात मोठी बातमी आता समोर आली आहे. राज ठाकरे आणि उद्धव ठाकरे एकत्र येणार असल्याची चर्चा सुरू असतानाच, मनसे अध्यक्ष राज ठाकरे आणि शिवसेना उद्धव बाळासाहेब ठाकरे गटाचे नेते आमदार आदित्य ठाकरे या दोघांना वाढदिवसाच्या शुभेच्छा देतानाच बॅनर दादरच्या शिवसेना भवनासमोर लावला आहे.

यातून आता फक्त आणि फक्त एकच ठाकरे ब्रँडच चालणार असा संदेश देत दोन्ही नेत्यांना शुभेच्छा दिलेल्या आहेत. शिवसेना गटाचे मुंबई विद्यापीठाचे सिनेट सदस्य प्रदीप बाळकृष्ण सावंत यांच्या माध्यमातून हा बॅनर लावण्यात आला आहे .या बॅनरवर शिवसेनेच्या अनेक नेत्यांचे फोटो आहेत. पुन्हा ठाकरे ब्रँडच चालणार याचीच प्रतीक्षा संपूर्ण महाराष्ट्राला आणि देशवासीयांना लागली आहे.