रत्‍नागिरी: अंगारकी चतुर्थीनमित्त प्रसिद्ध गणपतीपुळ्यात भाविकांची गर्दी झाली आहे. गणरायाच्या दर्शनासाठी लाखो भाविक गणपतीपुळ्यात दाखल झाले आहेत. एक ते दीड लाख भाविक गणपतीपुळ्यात दर्शनासाठी पोहोचले असून पश्चिम महाराष्ट्र आणि महाराष्ट्राच्या कानाकोपऱ्यातून भाविक दर्शनाला आले आहेत. 2024 मधील ही पहिलीच अंगारकी चतुर्थी आहे. पाऊस असून देखील भाविकांमध्ये दर्शनासाठी उत्साह पाहायला मिळत आहे. पहाटे साडेतीन वाजल्यापासून गणपतीपुळ्याचं मंदिर दर्शन घेण्यासाठी भाविकांसाठी खुलं करण्यात आलं आहे. रात्री बारा वाजल्यापासून भाविकांनी दर्शनासाठी रांगा लावल्या आहेत