ओबीसी आरक्षणाला धक्का लागू नये, म्हणून हाकेंच्या सुरु असलेल्या उपोषणाचे आता राजकीय पडसादही तीव्रपणे उमटू लागलेत. राज्यात जो संघर्ष सुरु आहे, तो थांबवायचा असेल तर सरकारने सगळ्यांशी चर्चा करायला हवी, असा सल्ला संजय राऊत यांनी सरकारला दिलाय. पण जर सरकारवर आंदोलकांचा विश्वास नसेल, तर सर्वपक्षीय शिष्टमंडळ करण्याची गरज असल्याचंही राऊतांनी म्हटलंय. यावर उत्तर देताना लवकरच सर्वपक्षीय बैठकी मुख्यमंत्री घेतील, असं उदय सामंत यांनी म्हटलंय. तर दुसरीकडे गिरीश महाजनांनीही याला दुजोरा दिलाय. इतकंच नव्हे तर या बैठकीतून लवकरच तोडगा निघेल, असा विश्वासही त्यांनी व्यक्त केला. सरकारी शिष्टमंडळाची एक महत्त्वाची बैठक सह्याद्री अतिथीगृहावर शुक्रवारी पार पडली होती. या बैठकीतही सकारात्मक चर्चा झाल्यानं उदय सामंत आणि गिरीश महाजन यांनी म्हटलंय.