जालना : लक्ष्मण हाके (Laxman Hake) यांनी ओबीसी (OBC) आरक्षणाला कोणताही धक्का लागू नये म्हणून उपोषण सुरु केलं. या उपोषणाचा आठवा दिवस सुरु असताना विजय वडेट्टीवार यांनी लक्ष्मण हाके यांची भेट घेतली. या भेटी दरम्यान विजय वडेट्टीवार (Vijay Wadettiwar) यांनाही अश्रू अनावर झाल्याचं पाहायला मिळालं. लक्ष्मण हाके यांनी आमरण उपोषण सुरु केलं होतं. या उपोषणाची दखल घेत विरोधी पक्षनेते विजय वडेट्टीवार यांनी लक्ष्मण हाके यांची भेट घेत त्यांची विचारपूस केली. तसंत लक्ष्मण हाके यांच्या मागण्याही ऐकून घेतल्या. गेल्या आठ दिवसांपासून सुरु असलेल्या लक्ष्मण हाके यांच्या उपोषणाला राज्यभरातून उत्स्फूर्त प्रतिसाद मिळतोय. त्यातच आता राजकीय नेत्यांकडूनही हाके यांच्या उपोषणाची गांभीर्याने दखल घेतली जात असल्याचं पाहायला मिळालंय.