सरकारचं शिष्टमंडळ लक्ष्मण हाके यांची भेट घेण्यासाठी छत्रपती संभाजीनगर येथे दाखल झाले आहे. लक्ष्मण हाके यांच्या उपोषणाचा दहावा दिवस आहे. ओबीसी आरक्षणाला कोणताही धक्का लागू नये, या मागणीसाठी हाके यांनी उपोषण सुरु केलं होतं. या उपोषणातून त्यांनी मराठा आंदोलक मनोज जरांगे यांच्यावरही हल्लाबोल केला होता. दरम्यान, हाके यांनी उपोषण सोडावं, अशी विनंती करण्यासाठी सरकारचं शिष्टमंडळ हाकेंच्या भेटीसाठी वडीगोद्री या जालना जिल्ह्यातील गावी जाऊन त्यांची समजून घालणार आहे. यातून काही तोडगा निघतो का? लक्ष्मण हाके सरकारचं म्हणणं ऐकून घेत उपोषण मागे घेतात का? हे पाहणं महत्त्वाचं ठरणार आहे.