संपूर्ण राज्याचं लक्ष लागलेल्या रत्नागिरी सिंधुदूर्ग लोकसभा मतदारसंघात मतदानाच्या दिवशीच मोठा ट्विस्ट निर्माण झाला आहे. राज्याचे उद्योगमंत्री उदय सामंत यांचे बंधू किरण सामंत नॉट रिचेबल झाल्याने नाराजीच्या चर्चांना उधाण आलंय. कोकणातील लक्षवेधी लढत असणाऱ्या रत्नागिरी-सिंधुदुर्ग लोकसभा मतदारसंघात मंगळवारी सकाळी सात वाजल्यापासून मतदानाला सुरुवात झाली. या मतदारसंघात ठाकरे गटाचे विनायक राऊत आणि भाजपचे केंद्रीय मंत्री नारायण राणे रिंगणात आहेत. नारायण राणे यांनी आज सकाळीच मतदानाचा हक्क बजावत रत्नागिरी-सिंधुदुर्गातून मोठ्या विजयाचा दावा केला. मात्र, त्याचवेळी एका गोष्टीमुळे रत्नागिरी-सिंधुदुर्गात महायुतीची धाकधूक वाढली आहे. आज सकाळपासून उदय सामंत यांचे बंधू किरण सामंत हे नॉट रिचेबल होते.