आजचा भारत आणि पाकिस्तान क्रिकेट सामना खेळणाऱ्या भारतीय क्रिकेटपटूंना शिवसैनिक आणि जनता काळे फासणार असल्याचं वादग्रस्त विधान शिवसेनेच्या ठाकरे गटाचे अकोला जिल्ह्यातील बाळापूरचे आमदार नितीन देशमुखांनी केलंय. ते आज अकोल्यात ठाकरेंच्या शिवसेनेच्या महिला आघाडीनं केलेल्या 'माझा देश, माझा कुंकू' आंदोलनावेळी माध्यमांशी बोलत होतेय. अकोला शहरातील नव्या बस स्थानकासमोरील मदनलाल धिंग्रा चौकात हे आंदोलन करण्यात आलंय. यावेळी ठाकरे गटाच्या महिला कार्यकर्त्यांनी कुंकू आणि बांगड्यांची भेट पंतप्रधान नरेंद्र मोदी आणि गृहमंत्री अमित शहा यांना पाठवलीये. या आंदोलनावेळी ठाकरे गटाच्या महिला कार्यकर्त्यांनी केंद्र सरकार विरोधात जोरदार घोषणाबाजी केलीय. देशमुखांच्या या वक्तव्याने नवा वाद निर्माण होण्याची शक्यता आहे.