खासदार संजय राऊत यांच्या मानहानी प्रकरणी मंत्री नितेश राणेंना दिलासा मिळाला आहे. माझगाव दंडाधिकारी न्यायालयात सुरू असलेल्या फौजदारी खटल्यात राणेंना वैयक्तिक हजर राहण्यास सशर्त सूट देण्यात आली आहे.

सिंधुदुर्ग जिल्ह्यातील एका पोलिस ठाण्यात 2 हजार रुपयांच्या जातमुचलक्यावर त्यांना जामीन मंजूर करण्यात आला. मागील दोन सुनावणींना गैरहजर राहिल्यामुळे कोर्टाने त्यांच्याविरोधात जामीनपात्र वॉरंट काढले होते. मात्र, आता कोर्टाने काही अटींच्या अधीन राहून त्यांना व्यक्तिगत हजेरीतून मुक्त ठेवले आहे.

संजय राऊत यांची अब्रूनुकसानीची तक्रार ही फौजदारी स्वरूपाची असून, तिची सुनावणी सध्या माझगाव कोर्टात सुरू आहे.