प्रसिद्ध उद्योगपती मुकेश अंबानी यांच्या पत्नी आणि सामाजिक कार्यकर्त्या नीता अंबानी यांचा एक खास व्हिडिओ सध्या सोशल मीडियावर जोरदार व्हायरल होत आहे. नीता अंबानी कल्चरल सेंटरमध्ये (NMACC) आयोजित करण्यात आलेल्या एका कार्यक्रमात नीता अंबानी थेट मराठीतून संवाद साधताना दिसून आल्या.

या कार्यक्रमात त्यांनी प्रसिद्ध संगीतकार अजय-अतुल यांच्या कार्याची मुक्तकंठाने स्तुती केली. "अजय आणि अतुल म्हणजे महाराष्ट्राची शान आहेत," असं म्हणत त्यांनी मराठी कलाकारांच्या योगदानाला दाद दिली. त्यांच्या भाषणातील हा मराठी संवाद प्रेक्षकांच्या विशेष लक्षात राहिला आहे.

नीता अंबानी मराठी बोलताना पाहून उपस्थित मराठी रसिक आणि सोशल मीडियावरील नेटकरी भारावून गेले असून अनेकांनी त्यांचं कौतुक केलं आहे. अंबानी कुटुंबियांचा मराठी संस्कृती आणि संगीताविषयी असलेले प्रेम आणि आदर पुन्हा एकदा या कार्यक्रमातूम दिसून आला.