कोरोनाचा प्रभाव बऱ्यापैकी कमी झाला आहे. पण आता तीन व्हायरसने देशात कहर माजवला आहे. निपाह, झिका आणि चांदीपुरा अशी या तीन व्हायरसची नावे आहेत. केरळमध्ये निपाह व्हायरसने धुमाकूळ घातला आहे, तर गुजरातमध्ये चांदीपुरा व्हायरसचे रुग्ण आढळले आहेत. महाराष्ट्रात झिका व्हायरसचे अनेक रुग्ण आढळल्याने आरोग्य यंत्रणा जागरूक झाल्या आहेत. केंद्र सरकारने या घटनांची दखल घेतली आहे. साथीचे आजार तपासण्यासाठी आणि तांत्रिक सहाय्य देण्यासाठी एक पथक तैनात करण्यात आले आहे. केंद्रीय आरोग्य मंत्रालयाने यावर तातडीने कार्यवाही करण्याचे आदेश दिले आहेत.