कोकणातील मालवणमध्ये महायुतीतील धुसफुशीच्या पार्श्वभूमीवर आमदार निलेश राणे यांनी उपमुख्यमंत्री एकनाथ शिंदे यांच्याशी एकनिष्ठ राहण्याची ग्वाही दिली आहे. कुठलीही ऑफर द्या, मी शेवटच्या श्वासापर्यंत शिंदेंसोबतच राहणार. वेळ पडल्यास मी साहेबांचा पीए बनायलाही तयार आहे असे भावनिक उद्गार निलेश राणे यांनी काढले. दुसरीकडे एकनाथ शिंदे यांनीही इलाका कुणाचाही असो धमाका निलेश राणेच करणार अशा शब्दांत राणेंचे कौतुक केले आहे. आगामी स्थानिक स्वराज्य संस्थांच्या निवडणुकांपूर्वी कोकणात मोठ्या राजकीय घडामोडी घडत आहे.