Nilesh Lanke On Ajit Pawar: उपमुख्यमंत्री अजित पवारांचे नगर आणि माढा बाबत करण्यात आलेलं वक्तव्य म्हणजे शिळ्या कढीला उत देण्याचं,असल्याचा टोला राष्ट्रवादी काँग्रेस शरद पवार गटाचे खासदार निलेश लंके यांनी लगावला आहे. तसेच मी आणि धैर्यशील मोहिते-पाटील निवडून आलो आहे, खासदार झालो आहे,आता त्या गोष्टीला महत्त्व राहिले नाही,असे मत देखील खासदार लंके यांनी व्यक्त केले आहे. दक्षिण नगरमधून निलेश लंके आणि माढ्यातून मोहिते पाटलांना महायुतीतून उमेदवारी देण्यात येणार होती. पण भाजपाने आम्हाला जागा सोडल्या नाहीत,या वक्त्यावरून लंके यांनी अजित पवारांवर पलटवार केला आहे. ते सांगलीच्या जत मधील उमदी येथे बोलत होते.