नीट परीक्षेत गुण वाढवून देतो,असे सांगून लाखो रुपयांची फसवणूक करणाऱ्या संदीप जवाहर शहाला केंद्रीय गुन्हे अन्वेषण विभागाने म्हणजेच सीबीआयने अटक केली.संदीप सोलापुरातील विजापूर रोडवरील नामांकित रेसिडेन्सीमध्ये राहात असून,या परिसरात त्याचा कोणाशीच संवाद किंवा संपर्क नसायचा, त्याच्या डोक्यात केवळ लोकांना गंडा घालण्याच्या योजनाच चालायच्या अशी माहिती सूत्रांनी दिली. नीट परीक्षेतील फसवणूकप्रकरणी संदीपला अटक केल्यानंतर तब्बल आठ वर्षांनी त्याचे नाव पुन्हा चर्चेत आले. संदीप शहा याच्यावर २०१८ पूर्वीच फसवणुकीचे तीन गुन्हे दाखल झाले होते.दरम्यान, वैद्यकीय महाविद्यालयात मुलीला व्यवस्थापन कोट्यातून प्रवेश मिळवून देण्याची थाप मारून संदीपने सोलापूरसह राज्यातील अनेकांची फसवणूक केली होती.