राष्ट्रवादी शरद पवार गटाची विधानसभा उमेदवारांची पाचवी यादी जाहीर झाली आहे. मंगळवारी ही यादी जाहीर झाली असून यात ५ उमेदवारांना उमेदवारी जाहीर करण्यात आली आहे. यात पंढरपूरमधून अनिल सावंत यांना उमेदवारी जाहीर झाली आहे. तर माढामधून अभिजीत पाटील यांना उमेदवारी दिली आहे.

विधानसभा निवडणुकीच्या अनुषंगाने आज उमेदवारी अर्ज भरण्याच्या शेवटच्या दिवशी राष्ट्रवादी कॉंग्रेस शरद पवार यांच्या गटाकडून ५ उमेदवारांची पाचवी यादी जाहीर झाली आहे. माढा, मुलुंड, पंढरपूर, मोरशी, मोहोळ या मतदारसंघांचा समावेश आहे. पंढरपूरमधून अनिल सावंत, माढामधून अभिजीत पाटील, मुलुंड मधून संगीता वाझे, मोरशीमधून गिरीश कराळे, तर मोहोळमधून राजू खरे यांना उमेदवारी देण्यात आली आहे. आत्ता पर्यंत मविआमधून शरद पवार यांच्या गटाने ८८ उमेदवारांच्या नावाची घोषणा झाली आहे.

Edited By Rakhi Rajput