परळीत धनंजय मुंडे यांच्या विरोधात शरद पवार यांच्या राष्ट्रवादीकडून नवीन पहिलवान उतरवण्यात आला आहे. राजेसाहेब देशमुख यांना शरद पवार यांच्या गटाने परळीची उमेदवारी जाहीर केली आहे. त्यामुळे आता परळीत कोणाची चितपट होणार हे पाहाणं महत्वाचं ठरणार आहे.

मराठा आंदोलक मनोज जरांगे यांचं प्राबल्य असलेल्या बीड जिल्ह्यात शरद पवार यांनी मराठा व्हीक्टीम कार्ड खेळलं आहे. यात परळी विधानसभा मतदारसंघातून पवार यांनी धनंजय मुंडे यांच्या विरोधात राजेसाहेब देशमुख यांना उमेदवारी दिली आहे. दरम्यान, शरद पवार यांचा उमेदवार जाहीर झाल्यानंतर धनंजय मुंडे यांनी यावर आपली प्रतिक्रिया दिली आहे. 'माझ्या विरोधात उमेदवार येणारच होता. यात काही नवीन नाही. मात्र परळीत मी काम केलं आहे. मला जनतेचा पाठिंबा आहे.' असं म्हणत त्यांनी परळीतील आपल्या विजयाचा दावा केला आहे.

Edited By Rakhi Rajput