फलटण येथील साखरवाडीच्या प्रचार सभेत रामराजे निंबाळकर यांच्यावर केलेल्या टीकेवरून शरद पवारांनी उपमुख्यमंत्री अजित पवारांचा समाचार घेतला आहे.

फलटण विधानसभा मतदारसंघात शरद पवार गटाचे उमेदवार दीपक चव्हाण यांच्या प्रचारार्थ शरद पवार यांची सभा पार पडली. यावेळी साखरवाडी येथील सभेत अजित पवार यांनी रामराजेंवर केलेल्या टीकेवर शरद पवारांनी नाव न घेता अजित पवारांचा समाचार घेतलाय. यावेळी त्यांनी 'राज्यातले बडे नेते साखरवाडीला आले होते त्यांनी रामराजे नाईक निंबाळकर यांच्यावर हल्ला चढवला आणि म्हणाले रामराजेंना तिकीट मी दिलं. पक्षाचा अध्यक्ष मी, तिकीट देण्याचा अधिकार माझा. मग यांनीच कसं तिकीट दिलं. उद्या म्हणतील शरद पवारांना देखील तिकीट मी दिलं', अशी टीका करत अजित पवार यांच्यावर फटकेबाजी केलेली दिसली. 'एकमेकांचा सन्मान ठेवण्याची गरज आहे. रामराजे पहिल्यांदा अपक्ष म्हणून निवडून आले ते स्वतःच्या कर्तुत्वावर आलेत. यामुळे कुणी हे केलं ते केलं सांगू नये, अशी जोरदार टीकाही अजित पवार यांचे नाव न घेता शरद पवार यांनी फलटण येथील सभेत केली आहे.

Edited By Rakhi Rajput