Maharashtra Politics : अजित पवार यांना आणखी एक धक्का बसण्याची शक्यता आहे. माजी मंत्री राजेंद्र शिंगणे राष्ट्रवादी काँग्रेस शरदचंद्र पवार पक्षाचा वाटेवर असल्याचं समोर आले आहे. नुकताच सोशल मीडियात सुप्रिया सुळे यांच्या गाडीतील चेहरा लपवणाऱ्या व्यक्तीचा व्हिडीओ व्हायरल झाला होता. व्हायरल व्हिडीओ मधील स्वतःचा चेहरा फाईलने लपवणारी व्यक्ती राजेंद्र शिंगणे असल्याची सूत्रांनी माहिती दिली.

राजेंद्र शिंगणे अजित पवार यांची साथ सोडून तुतारी हातात घेण्याच्या तयारीत आहेत. नुकतीच शिंगणे आगामी विधानसभा निवडणुकीसाठी इच्छुक उमेदवार म्हणून मुलाखत देखील दिली आहे. गेल्या काही दिवसांपासून अजित पवारांच्या राष्ट्रवादी काँग्रेसमधून आऊटगोईंग सुरु आहे. शरद पवार यांच्या पक्षामध्ये अनेक नेते जात आहेत, त्यामध्ये आता माजी मंत्री राजेंद्र शिंगाणे यांचेही नाव जोडलेय.