राष्ट्र्रवादीच्या विलीनीकरणाबाबत दिल्लीमध्ये खलबंत सुरू असून राजकीय घडामोडींना वेग आलाय. दिल्लीत सुप्रिया सुळे आणि प्रफुल्ल पटेल यांची बैठक झाली या ३५ मिनिटांच्या बैठकीत दोन्ही पक्षाच्या विलीनीकरणाची चर्चा झाल्याचं सांगितलं जातंय. या दोन्ही नेत्यांच्या बैठकीनंतर प्रफुल्ल पटेल आणि सुनील तटकरेंची बैठक झाली. यामुळे दिल्लीत विलीनीकरणाचा फॉर्म्युला ठरणार का असा सवाल केला जातोय.

दिल्लीत सुप्रिया सुळे आणि प्रफुल्ल पटेल यांच्यामध्ये बैठक

प्रफुल्ल पटेल आणि शरद पवार यांच्या भेटीनंतर राष्ट्रवादीच्या विलीनीकरणाच्या चर्चा सुरू झाल्या. त्यावर प्रतिक्रिया देताना सुप्रिया सुळे म्हणाल्या होत्या की, आपल्यापर्यंत कोणत्या प्रकारचा विषय आला नाहीये. विलिनीकरणाबाबत माझ्याशी कोणी बोललेलं नाही, मी तुम्हाला सांगू ज्या दिवशी माझा भाऊ गेला त्यादिवशी, त्याच्यानंतर दोन चार दिवसात ज्या काही घटना झाल्या. त्याच्यानंतर मी स्वत: या विषयावर (विलिनीकरण) पडदा टाकलाय, असं म्हणाल्या होत्या. मात्र आज दिल्लीत सुप्रिया सुळे आणि प्रफुल्ल पटेल यांच्यामध्ये विलीनीकरणाबाबत बैठक झाली.