वेळ देणारा प्रदेशाध्यक्ष द्या अशी मागणी पदाधिकाऱ्यांनी शरद पवार यांच्याकडे केली आहे. गुरुवारी मुंबईत शरद पवार यांनी पदाधिकाऱ्यांची बैठक बोलावली होती. या बैठकीत जयंत पाटील यांच्या समोरच पदाधिकारी बदलण्याची मागणी पदाधिकाऱ्यांनी केली आहे. यावेळी रोहित पवार आणि रोहित पाटील यांना मोठी जबाबदारी देण्याची मागणी देखील करण्यात आली आहे.

मुंबईत राष्ट्रवादी कॉंग्रेस शरद पवार गटाच्या पदाधिकाऱ्यांची बैठक शरद पवार यांच्या उपस्थितीत पार पडली. या बैठकीत प्रदेशाध्यक्षांसह फ्रंटलचे पदाधिकारी बदला अशी मागणी कार्यकर्त्यांनी केली आहे. विधानसभा निवडणुकीत झालेल्या पराभवानंतर जयंत पाटील यांच्या एवजी प्रदेशाध्यक्ष पद अजून कोणाला द्यावं अशी मागणी सातत्याने होत आहे. त्याच अनुषंगाने आज बैठकीत जयंत पाटील हे या पदासाठी योग्य नाहीत असा याचा अर्थ नाही, मात्र आता नवीन चहऱ्यांना संधी द्यावी अशी मागणी पदाधिकारी कार्यकर्त्यांनी एकसुरात केली आहे. तसंच आता रोहित पवार आणि रोहित पाटील यांच्यावर देखील मोठ्या जबाबदारीची कामं देण्यात यावी अशीही मागणी उपस्थित पदाधिकाऱ्यांनी केली आहे.