राष्ट्रवादी अजित पवार गटाचे आमदार राजेंद्र शिंगणे यांची समजूत काढण्यासाठी अजित पवार यांनी त्यांच्याशी फोनवरून संवाद साधला आहे. गेल्या काही दिवसांपासून राजेंद्र शिंगणे हे नाराज असल्याची चर्चा होती. त्यानंतर ते शरद पवार यांच्या गटात जाऊन तुतारी हाती घेणार असल्याचं देखील बोललं जात होतं. या अनुषंगाने त्यांच्या हालचाली देखील सुरू झाल्या आहेत. विधानसभेला शिंगणे हे शरद पवार यांच्या तुतारी चिन्हावर लढणार असल्याचं सूत्रांकडून सांगण्यात आलं आहे. गायत्री शिंगणे यांनी देखील याबाबत शरद पवार यांची भेट घेतली होती. त्यानंतर आता अजित पवार यांच्याकडून राजेंद्र शिंगणे यांची समजूत काढण्याचा प्रयत्न केला जात आहे. त्यासाठी त्यांनी शिंगणे यांना फोन करून त्यांच्याशी संवाद साधला आहे. मात्र आता यानंतर अजितदादा राजेंद्र शिंगणे यांची समजूत काढण्यात यशस्वी होतील का, शिंगणे काय निर्णय घेतील हे बघणं महत्वाचं ठरणार आहे