Jayant Patil: दोन दिवसांपूर्वी जयंत पाटील यांनी धनंजय मुंडे यांचा प्रवेश हा आमचा आत्मघाती प्लॅन होता, असं वक्तव्य केलं होतं. या वक्तव्यावर राष्ट्रवादी अजित पवार गटाचे नेते अमरसिंह पंडित यांनी प्रत्युत्तर दिले आहे. "धनंजय मुंडे यांच्या राष्ट्रवादी प्रवेशाचा मी साक्षीदार आहे. एवढ्या वर्षानंतर त्यांचा प्रवेश हा आत्मघातकी प्लान होता? असं वक्तव्य करणं हेच हास्यास्पद आहे..."असं ते म्हणाले आहेत. विरोधी पक्षनेते म्हणून त्यांनी केलेले काम उल्लेखनीय आहे. म्हणूनच शरद पवार साहेबांनी व्यक्त होताना गौरव केला आहे. धनंजय मुंडे विरोधी पक्षनेते असताना अनेकांनी विरोध केला होता, याचा देखील शोध घ्यावा लागेल. राष्ट्रवादी मधील फुटीनंतर धनंजय मुंडे यांना टार्गेट केलं जात असावं. लोकांसाठी झगडणारा नेता म्हणून धनंजय मुंडे यांची ओळख आहे. टार्गेट करायचं म्हटल्यानंतर असा कुणीतरी जबाबदार व्यक्ती जो भविष्यात आपल्याला त्रासदायक ठरू शकतो त्यामुळं टार्गेट केलं जाऊ शकतं. असं देखील त्यांनी म्हटलंय..