अमरावती जिल्ह्यातील अचलपूर विधानसभा मतदारसंघात आमदार बच्चू कडू यांच्याविरोधात भाजपचे प्रवीण तायडे यांनी आज अचलपूर एसडीओ कार्यालयात आपला उमेदवारी अर्ज दाखल केला. यावेळी प्रवीण तायडे यांनी जोरदार शक्तिप्रदर्शन करत बाईक रॅली काढली. यावेळी भाजप नेत्या नवनीत राणा उपस्थित होत्या.

दरम्यान, भाजप उमेदवार प्रवीण तायडे यांनी बच्चू कडू यांच्यावर टीका केली. अचलपूरमध्ये 20 वर्षात काहीचं विकास कामे केले नाही. एक एक रुपये मागणारा बच्चू कडू करोडोचा मालक झाला तर माझी लढत काँग्रेस उमेदवार बबलू देशमुखसोबत आहे. तर बच्चू कडू तिसऱ्या नंबरवर राहील, असा दावाच प्रवीण तायडे यांनी केला. तर नवनीत राणा यांनी यावर प्रतिक्रिया दिली. आमचा उमेदवार गरिब आहे त्याची जाण भाजपने ठेवली. तर चटणी भाकर खाऊन आमचा उमेदवार इमानदारीने काम करेल, अशी प्रतिनिधी नवनीत राणा यांनी दिली.