नवी मुंबईतील पनवेल परिसरातील व्ही. के. हायस्कूलजवळ दोन मुलींच्या गटात झालेल्या जोरदार हाणामारीचा प्रकार समोर आला आहे. या हाणामारीचा धक्कादायक व्हिडिओ सध्या सोशल मीडियावर व्हायरल होत असून नागरिकांकडून विविध प्रतिक्रिया उमटताना दिसत आहेत.घटनेदरम्यान मुली एकमेकींना शिवीगाळ करताना तसेच केस ओढून मारहाण करत असल्याचे दिसून येत आहे. हाणामारीचे नेमके कारण अद्याप स्पष्ट झाले नसले तरी ही घटना शाळेच्या परिसरालगत घडल्याने शाळेवरच प्रश्नचिन्ह उपस्थित होत आहे.

प्राथमिक माहितीनुसार संबंधित मुली व्ही. के. हायस्कूलमध्ये शिकत असल्याचे सांगितले जात आहे. या प्रकरणाची शाळेने तात्काळ दखल घेत पालकांना बोलावले आहे. शाळेच्या मुख्याध्यापकांनी या प्रकाराला अत्यंत गंभीर मानत कठोर कारवाई करण्यात येईल असे स्पष्ट केले आहे.