नवी मुंबई येथील अंगणवाडी क्रमांक ५५ मध्ये मुलांच्या जीवाशी खेळ सुरू आहे. अंगणवाडीतील शालेय पोषण आहारात अळ्या आढळून आल्या आहेत. नवी मुंबईच्या कळंबोलीत असलेल्या अंगणवाडी क्रमांक ५५ मध्ये हा किळसवाणा प्रकार समोर आला आहे.

अंगणवाडीतील चिमूकल्यांना देण्यात येणाऱ्या शालेय पोषण आहारात अळया आढळल्या आहेत. कळंबोली येथील अंगणवाडी क्रमांक ५५ येथील ही घटना आहे. या घटनेमुळे पालकांतून संताप व्यक्त केला जात आहे. अंगणवाडीतील बालकांना पोषण आहारात रव्यापासून तयार करण्यात आलेल्या उपीटचे वाटप करण्यात आले होते. या रव्याच्या उपीटमध्ये अळ्या आढळल्याचा धक्कादायक प्रकार समोर आला आहे. एका बालिकेच्या आहारातील अळ्या पालकांच्या निदर्शनास हा सर्व प्रकार आल्याने सदरची घटना उघडकीस आली. त्यानंतर पालकांनी याबाबत बालविकास प्रकल्प अधिकाऱ्यांकडे तक्रार केली आहे. अधिकाऱ्यांनी या प्रकरणाच्या चौकशीचे आदेश दिले आहे.