नवी मुंबईतील नेरुळमधून धक्कादायक प्रकार समोर आला आहे. एका मद्यधुंद कारचालकाने ७ ते ८ वाहनांना धडक दिल्याची घटना घडली आहे. या घटनेने त्या परिसरात मोठी गर्दी निर्माण केली असून वाहनांच्या रांगा लांबच लांब लागल्याचे पाहायला मिळाले.

घटनेच्या वेळी आसपासच्या नागरिकांनी तातडीने पोलिसांना घटना कळवली. ज्यावेळी धडक बसली त्या क्षणाचे व्हिडिओ आता समोर आले आहेत. काही वेळा या ठिकाणी वाहतूक पूर्णपणे कोलमडली होती. नेरुळ पोलीस घटनास्थळी दाखल होऊन अधिक तपास करत आहेत. मद्यधुंद कारचालकाविरुद्ध गुन्हा दाखल झाला असून त्याला ताब्यात घेतले आहे.