नवी मुंबईतील आंतरराष्ट्रीय विमानतळाच्या उद्धाटनाची प्रतिक्षा आता लवकरच संपणार आहे. पंतप्रधान नरेंद्र मोदी यांच्या हस्ते येत्या ८ ऑक्टोबर रोजी या विमानतळाचे उद्धाटन होण्याची शक्यता आहे. पंतप्रधान मोदी ७ ऑक्टोबरला मुंबई दौऱ्यावर येणार असून, यादरम्यान त्यांच्या हस्ते विमानतळाचे उदघाटन करण्यात येणार असल्याचे बोलले जात आहे. पनवेलजवळील उलवे नोड इथं सुमारे ११०० हेक्टर जागेवर हा विमानतळ उभारण्यात आला आहे. या विमानतळाच्या धावपट्टीसह टर्मिनल इमारत तयार झाली आहे. विमानतळाचं ९५ टक्के काम पूर्ण झाले असून, अंतर्गत सजावटीचं काम अंतिम टप्प्यात आले आहे .