खाजगी अ‍ॅपआधारित वाहतूक सेवांच्या मनमानीविरोधात कॅब व रिक्षा चालकांनी शुक्रवार 7 फेब्रुवारी रोजी देशव्यापी एकदिवसीय बंद पुकारला आहे. महाराष्ट्र कामगार सभा तसेच भारतीय गिग कामगार मंच यांच्या नेतृत्वाखाली हा बंद पाळण्यात येणार आहे. संघटनांच्या म्हणण्यानुसार, देशात सुरू असलेल्या बेकायदा बाईक टॅक्सी सेवांकडून मनमानी कारभार केला जात असून त्यामुळे पारंपरिक कॅब आणि रिक्षा चालकांचे मोठे आर्थिक नुकसान होत आहे. तसेच ओला, उबर, रॅपिडो यांसारख्या खाजगी कंपन्यांचे भाडे आकारणीचे धोरण अन्यायकारक असल्याचा आरोप चालक संघटनांनी केला आहे.

या पार्श्वभूमीवर राज्यातील सर्व ओला, उबर, रॅपिडो कॅब आणि रिक्षा चालक 7 फेब्रुवारीला कामबंद आंदोलनात सहभागी होणार आहेत. परिवहन विभागाकडून खाजगी कंपन्यांवर ठोस कारवाई केली जात नसल्याचा आरोप ही संघटनांनी केला आहे.