सोशल मीडियावर सध्या एका काळजाचा ठोका चुकवणाऱ्या व्हिडिओने खळबळ उडवून दिलीय. भरधाव हायवेवर किमान 100 किमी प्रति तास वेगानं धावणाऱ्या कारचा ड्रायव्हर चक्क गाढ झोपल्याचं व्हिडिओत दिसतेय. डोळे बंद आणि शरीर ढिले पडलेल्या अवस्थेत हा ड्रायव्हर मृत्यूला निमंत्रण देत होता... सुदैवाने मोठी दुर्घटना टळली आहे. हा व्हिडिओ सध्या सोशल मीडियावर चर्चेत आहे.

व्हायरल होणारा हा व्हिडीओ राष्ट्रीय महामार्गावरचा असल्याचं दावा केला जातोय. चालक कार चालवताना व्हिडिओत गाढ झोपेत असल्याचे दिसतेय. कार वेगात सरळ रेषेत पुढे जात आहे. हा सगळा प्रकार मागून येणाऱ्या एका ट्रकचालकाच्या लक्षात आला. संशय आल्याने त्याने मोबाईल कॅमेऱ्यात हा धक्कादायक क्षण कैद केला.