नाशिक शिक्षक मतदारसंघ (Nashik Teacher Constituency) निवडणुकीतून एक धक्कादायक प्रकार समोर आलाय. नाशिकमध्ये (Nashik) पाकिटात 500 च्या नोटा सापडल्या आहेत. शिक्षक मतदारसंघ मतदान केंद्रासमोर हा प्रकार घडलाय. शिक्षक मतदारसंघाबाहेर मतदानासाठी पैशांचं पाकिट वाटप होत असल्याचा आरोप ठाकरे गटानं केलाय. त्यांच्यावर त्वरित कारवाई करण्यात यावी, याबाबत ठाकरे गटाचे दत्ता गायकवाड (Datta Gaikwad) यांनी मागणी केली आहे. या पैशांच्या पाकिटावर उमेदवार किशोर दराडे (Kishor Darade) यांचं नाव असल्याची माहिती मिळाली आहे. तसंच मतदान केंद्रबाहेर पाकिट वाटप करणाऱ्या व्यक्तिलाही ठाकरे गटाकडून पोलिसांत नेण्यात आलं आहे.