नाशिकच्या सिन्नरतालुक्याला वादळी वाऱ्यासह मान्सूनपूर्व पावसाचा चांगलाच तडाखा बसला असून सिन्नरमध्ये ढगफुटी सदृश्य परिस्थिति निर्माण झाली आहे. पावसाच्या तडाख्यामुळे सिन्नर बस स्थानकाचे छत शिवशाही बसवर कोसळल्याची घटना घडली आहे.

आज सिन्नरचा आठवडी बाजार देखील भरत असतो या बाजारपेठेत पाणी पाणी झाले होते. यामुळे व्यापऱ्यांना मोठा फटका बसला. तसेच नागरिकांची देखील तारांबळ उडाली होती. संपूर्ण नदी, नाले हे ओसंडून वाहत होते. रस्त्यावर पाणी साचल्याने शहरात अनेक ठिकाणी वाहतूक खोळंबली आहे. सिन्नर शहरातील विजयनगर भागात तर घरांमध्ये पाणी शिरले आहे. सिन्नरच्या कुंडेवाडी देव नदीवरील बंधारा ओव्हर फ्लो झाला असून पहिल्याच मान्सूनपूर्व पावसात देव नदीला पूर आला आहे.