मुंबई : आगामी विधानसभा निवडणुकीच्या पार्श्वभूमीवर राष्ट्रवादी कॉंग्रेस अजित पवार गटाची जन सन्मान यात्रा सुरू झालीय. दिंडोरीतून आज जन सन्मान यात्रेला सुरुवात होतेय. अजित पवारांची टीम गुलाबी जॅकेट घालून अजित पवारांच्या स्वागतासाठी विमानतळावर दाखल झाली होती. जन सन्मान यात्रेसाठी विमानतळावर गुलाबी बस देखील सज्ज असल्याचं दिसत आहे.याचं गुलाबी गाड्या आणि बसमधून अजित पवार आणि त्यांचे मंत्री जन सन्मान यात्रा करणार आहेत.

जनसन्मान यात्रेच्या माध्यमातून जास्तीत जास्त मतदारसंघात जाणार असल्याची प्रतिक्रिया अजित पवार यांनी दिलीय. महायुती सरकारने अर्थसंकल्पात सादर केलेल्या महत्वाच्या योजनांबद्दलची माहिती शेतकरी, महिलांपर्यंत पोहोचवायची आहे. शाहु, फुले आंबेडकरांच्या विचारधारेतून पुढे जात असल्याची प्रतिक्रिया अजित पवार यांनी दिलीय. सर्वाधिक जागा निवडून आणण्याचा प्रयत्न असल्याची प्रतिक्रिया त्यांनी दिलीय.