ठाकरे गटाचे विधानपरिषदेचे माजी आमदार नरेंद्र दराडे यांनी जयंत पाटील यांची भेट घेतली आहे. छगन भुजबळ यांच्या विरोधात येवला मतदारसंघातून दराडे उभे राहण्याची शक्यता आहे. त्यामुळे या मतदारसंघात चुरस रंगण्याची शक्यता आहे. यापूर्वी नरेंद्र दराडे यांचा मुलगा कुणाल दराडे यांच्या नावाची ठाकरे गटाकडून चर्चा होती. तर महाविकास आघाडीमध्ये ही जागा शरद पवार यांच्या राष्ट्रवादीला सुटणार असण्याची दाट शक्यता आहे. त्यामुळे माजी आमदार नरेंद्र दराडे आणि त्यांचा मुलगा कुणाल दराडे यांनी जयंत पाटील यांची भेट घेतली आहे. जयंत पाटील हे नाशिकच्या त्र्यंबकेश्वर मंदिरात आले असताना ही भेट दराडे यांनी घेतली.

विधानसभा निवडणुकीचे बीगुल वाजणार आहे. त्यामुळे सगळ्या इच्छुक उमेदवारांनी तयारी सुरू केली आहे. त्याच पार्श्वभूमीवर माजी आमदार नरेंद्र दराडे यांनी जयंत पाटील यांची भेट घेतली आहे.