Nashik Crime Latest News : नाशिक राष्ट्रवादी अजितदादा गटाचे शहर उपाध्यक्ष उमेश उर्फ मन्ना जाधव आणि त्यांचा सख्खा भाऊ प्रशांत जाधव यांची हत्या करण्यात आली. बुधवारी रात्री टोळक्याने त्यांच्या घरासमोर कोयत्याने सपासप वार करत त्यांचा जीव घेतला. नाशिक पोलिसांनी तात्काळ कारवाई करत पाच संशयित आरोपींना बेड्या ठोकल्या आहेत. नाशिक पोलिसांनी २४ तासांच्या आत आरोपींना बेड्या ठोकल्या असून चौकशी करण्यात येत आहे. बुधवारी रात्री दोन भावांच्या हत्येनं नाशिक हादरले होते. नाशिकमधील हे दुहेरी हत्याकांड वर्चस्वाच्या वादातून झाल्याचे पोलिसांच्या तपासातून समोर आलेय.

नाशिक पोलिसांच्या तपासात हत्याकांडाचे कारण उघडकीस आले आहे. वर्चस्वाच्या वादातून जाधव बंधूंची हत्या करण्यात आली. आंबेडकरवाडी येथे दोन्ही भावाची हत्या केली होती. उमेश जाधव आणि प्रशांत जाधव या दोन्ही भावांवर धारधार शस्राने वार केले होते. उमेश जाधव होता अजित पवारांच्या राष्ट्रवादीचा शहर उपाध्यक्ष होते. या प्रकरणी सागर गरड, अनिल रेडकर, सचिन रेडकर, योगेश रोकडे आणि अविनाश उशिरे यांना अटक करण्यात आली आहे. त्यांच्यावर उपनगर पोलीस ठाण्यात खुनाचा गुन्हा दाखल झाला असून चौकशी सुरू आहे.