नाशिक : नाशिकमध्ये महायुतीचा उमेदवार कोण? हे अद्याप स्पष्ट झालेलं नाही. अशातच नाशकातून मोठी अपडेट समोर आलीय. नाशकातील राष्ट्रवादी काँग्रेसच्या पदाधिकाऱ्यांच्या बैठकीचं आयोजन करण्यात आलंय. नाशिकमधून भुजबळांनी लोकसभा निवडणुकीतून माघार घेतली होती. त्यानंतर आता नेमकं बैठकीचं प्रयोजन काय? यावरुन चर्चांना उधाण आलंय. नाशिकच्या जागेवर राष्ट्रवादीचा दावा कायम असल्याचं सांगण्यात येतं. नाशिकचा महायुतीचा उमेदवार अद्याप जाहीर झालेला नाही. अशातच राष्ट्रवादी काँग्रेसच्या पदाधिकाऱ्यांची बैठक नेमकी का बोलवण्यात आली? याबाबत महत्त्वाची घडामोड समोर आली आहे. शिवसेनेनं नाशिकच्या जागेवर दावा केला होता. हेमंत गोडसे यांना महायुतीकडून उमेदवारी देण्याची शक्यता शिवसेनेच्या नेत्यांनी बोलून दाखवली होती. अशात आता राष्ट्रवादीच्या बैठकीत नेमकी काय चर्चा होते, हे पाहणं महत्त्वाचंय.