नाशिक शहरासह जिल्ह्याला गेले दोन दिवस पावसाने झोडपल्यामुळे गंगापुर धरणाचा पाणीसाठा पहिल्यांदाच 65 टक्क्यांवर पोहोचला असून गोदावरी नदी दुथडी भरून वाहत आहे. मागच्या दोन दिवसात झालेल्या मुसळधार पावसाने 110 मिमीपेक्षा जास्त हजेरी लावल्याने गंगापूर धरणातील पाणीसाठा 20 टक्क्यानी वाढला आहे. काल पावसाने विश्रांती घेतली असे असतानाही गंगापूर धरणातून पावसाचा विसर्ग सुरूच आहे. आता 3944 क्युसेक वेगाने पाण्याचा विसर्ग वाढवल्याने गोदावरी नदीत असलेला दुतोंड्या मारुतीच्या गुडघ्या पर्यंत पाणी पोहोचले आहे. तसेच नदीच्यापाणी पातळीत आणखी वाढ होणार असल्याचे देखील सांगितले जात आहे. मात्र काही हूल्लडबाज पर्यटक पाण्यात गाडी वाहनासह उतरून जीव धोक्यात घालताना दिसत आहे.