नाशिकच्या गंगापूर धरणातून पाण्याचा विसर्ग कमी करण्यात आल्याने गोदाकाठचा धोका थोडा कमी झाला आहे. रामकुंड परिसरातील पाणी पातळीत घट झाली असून पुराचे इंडिकेटर असलेल्या दुतोंडया मारुतीच्या गुडघ्यापर्यंत पाणी आले आहे. तरीदेखील पाणी पातळी स्थिर असल्याने धार्मिक विधी अद्यापही सुरूच आहेत. गेल्या काहि तासांपासून पावसाने तात्पुरती विश्रांती घेतल्याने पाणी पातळीत घट झाली असली तरी हवामान खात्याने नाशिक जिल्ह्यासाठी यलो अलर्ट जारी केला आहे. त्यामुळे पुराचा धोका हा कायम राहणार आहे. गोदाकाठी राहणाऱ्या नागरिकांना सर्तक राहाण्याचे आवाहन प्रशासनाच्या वतीने करण्यात आले आहे.