अभिजीत सोनवणे, साम टीव्ही

मनसे प्रमुख राज ठाकरे यांनी दिलेल्या एका मुलाखतीत उद्धव ठाकरे आणि मला एकत्र यायला कुठलीही अडचण नसल्याचे सूतोवाच केले. त्यानंतर संपूर्ण महाराष्ट्रातून प्रतिक्रिया यायला सुरुवात झाल्या. अशातच मनसेचा एकेकाळी बालेकिल्ला असणाऱ्या नाशिकमध्ये एका बॅनरची चर्चा रंगत आहे.

नाशिक येथील शिवसेना ठाकरे गटाच्या मध्यवर्ती कार्यालयासमोर शिवसैनिकांनी बॅनर लावून उद्धव ठाकरे यांना मनोमिलनासाठी विनंती केली.

आम्हाला आमिष दिले गेले.. मोठ्या मोठ्या ऑफर आल्या. दबाव टाकला.

पण साहेब आम्ही डगमगलो नाही, घाबरलो नाही. तुमच्या नेतृत्वाबरोबर आदित्य साहेबांशी एकनिष्ठ राहिलो. आता आमची मागणी आहे की तुम्ही स्वतः राज ठाकरे यांना मातोश्रीचे आमंत्रण द्या व महाराष्ट्राला आनंदाची बातमी द्या ही कळकळीची विनंती अशा मजकुराचा बॅनर सध्या नाशिकमध्ये सर्वांचेच लक्ष वेधत आहे. मात्र, आता उद्धव ठाकरे शिवसनिकांच्या विनंतीला मान देतील का हे बघणं औत्सूक्याचे ठरणार आहे.