रुपाली बडवे, साम टीव्ही

मुंबई : अजित पवार गटाचे नरहरी झिरवाळ यांची मंत्रिपदाची इच्छा पूर्ण झाली आहे. नरहरी झिरवाळ यांना मंत्रिपदाची शपथ घेण्यासाठी फोन आला आहे.

नागपुरात पहिल्यांदा मंत्र्यांचा शपथविधी होणार आहे. राज्याचा मंत्रिमंडळ विस्तार रविवारी नागपुरात ३ वाजता होणार आहे. नागपूरच्या राजभवनात नव्या मंत्र्यांना शपथ दिली जाणार आहे. या मंत्र्यांना राज्यपाल सी पी राधाकृष्णन शपथ घेणार आहेत. या राजभवनात नरहरी झिरवाळ यांना मंत्रिपदाची शपथ घेण्याची शक्यता आहे. नरहरी झिरवाळ यांना मंत्रिपदाच्या शपथविधीसाठी त्यांच्या पक्षाचे प्रदेशाध्यक्ष सुनील तटकरे यांनी कॉल केला. नरहरी झिरवाळ यांची अनेक वर्षांची मंत्री होण्याची इच्छा पूर्ण झाली आहे. त्यामुळे झिरवाळ यांना कोणतं मंत्रिपद मिळणार, याकडे साऱ्यांचे लक्ष लागलं आहे.