नवी मुंबईतील भाजप पदाधिकाऱ्यांनी राजीनामे दिले आहेत. ठाण्यातून शिवसेनेने नरेश म्हस्के यांना उमेदवारी दिल्यानं ते नाराज आहेत. म्हस्के यांना उमेदवारी दिलेली पसंत नाही, असं त्यांचं म्हणणं आहे. संजीव नाईक यांच्यासारखे उमेदवार असताना म्हस्के यांना उमेदवारी का दिली, असा सवाल त्यांनी उपस्थित केला आहे.

ठाणे लोकसभा मतदारसंघातून नरेश म्हस्के यांना उमेदवारी जाहीर झाल्यानंतरच नवी मुंबईतील भाजप पदाधिकारी नाराज झाले. संजीव नाईक यांना उमेदवारी मिळावी, अशी अपेक्षा कार्यकर्त्यांची होती. पण म्हस्केंना उमेदवारी दिली. गणेश नाईक यांना भेटण्यासाठी पदाधिकारी गेले. त्यांच्यासमोरच पदाधिकाऱ्यांनी राजीनामे दिले. म्हस्के यांचे काम करणार नाही, असं त्यांनी सांगितलं.