आज मुख्यमंत्री देवेंद्र फडणवीस पूरग्रस्त भागाच्या दौऱ्यावर असताना अपघात घडल्याची घटना घडली. मुख्यमंत्री यांच्या ताफ्यातील गाडीत बसताना भाजप नेते नरेंद्र पाटील यांचा तोल जाऊन ते खाली कोसळल्याची घटना घडली. पाटील गाडीत बसत असतानाच चालकाने वाहन पुढे नेले, त्यामुळे ते थेट खाली पडले. या अपघातात नरेंद्र पाटील किरकोळ जखमी झाले असून त्यांच्यावर प्राथमिक उपचार करण्यात आले आहेत.यावेळी घटनास्थळी काहीकाळ गोंधळाचे वातावरण निर्माण झाले होते.