नरेंद्र दाभोलकर हत्या प्रकरणाचा आज निकाल लागणार आहे. मग आता ११ वर्षानंतर तरी दाभोलकर कुटुंबियांना न्याय मिळणार का? याकडे सर्वांचे लक्ष लागले आहे. या प्रकरणात पाच आरोंपींविरोधात दोषारोप पत्र दाखल करण्यात आले होते. पुण्यातील ओंकारेश्वर मंदिराजवळील महर्षी विठ्ठल रामजी शिंदे पुलावर डॉ. नरेंद्र दाभोलकर यांची २० ऑगस्ट २०१३ रोजी गोळ्या झाडून हत्या करण्यात आली होती. सकाळी मोटारसायकलवरून आलेल्या दोघांनी त्यांना थांबवले आणि त्यांच्यावर गोळ्या झाडल्या होत्या. १५ सप्टेंबर २०२१ रोजी तावडे, अंदुरे, कळसकर, पुनाळेकर आणि विक्रम भावे या पाच जणांवर आरोप निश्चित करण्यात आले होते.