मागील काही दिवसांपासून नांदेड जिल्ह्यात वातावरणात मोठ्या प्रमाणात बदल दिसून येत आहे. दिवसाचा उकाडा वाढलेला असून, रात्री मात्र थोडी गारठ्याची जाणीव होते. दरम्यान, नांदेडमध्ये अवकाळी पावसाने हजेरी लावल्यामुळे शेतकऱ्यांमध्ये चिंतेचे वातावरण आहे. आजदेखील नांदेड शहरासह जिल्ह्याच्या काही भागांत वादळी वाऱ्यासह जोरदार पाऊस झाला.

सध्या तापमान ४१ अंश सेल्सिअसपर्यंत पोहोचले असताना, अचानक आलेल्या पावसामुळे रब्बी हंगामातील पिकांना मोठा फटका बसला आहे. शेतकऱ्यांनी शिजवून वाळवण्यासाठी ठेवलेली हळद झाकण्यासाठी धावपळ उडाली. यासोबतच अनेक पिकांचेही मोठ्या प्रमाणात नुकसान झाल्याची माहिती समोर आली आहे.