मुंबई : नांदेड जिल्ह्यात गेल्या दोन दिवसांपासून पावसाची संततधार सुरू आहे. मुसळधार पावसामुळे आसना नदीला पूर आलाय. यामुळे नांदेड ते वसमतचा संपर्क तुटला असल्याचं समोर आलंय. जिल्ह्यातील नदी नाल्यांना मोठा पूर आलाय. आसना नदीच्या पुलावर या पूराचं पाणी आलेलं आहे. त्यामुळे नादेड आणि वसमतचा संपर्क तुटलाय. आसना नदीचं पात्र दुथडी भरून वाहत असल्याचं व्हिडिओमध्ये दिसतंय. जवळपास ५० ते ६० गावांचा नांदेडशी असलेला संपर्क तुटलेला आहे. अद्यापही पावसाने उसंत घेतली नाही.

नांदेड जिल्ह्यात पावसाने दाणादाण उडविली आहे. मुसळधार पावसामुळे नदी नाल्यांना पूर आलाय. नांदेडच्या अर्धापूर तालुक्यातील शेलगाव(खुर्द)आणि शेलगाव(बुद्रुक) या गावाला पुराच्या पाण्याने वेढा घातला. या दोन गावांचा मागील ४८ तासांपासून संपर्क तुटलाय. गावाच्या बाजूने मेंढला नाला आहे. समोर आसना नदीला हा नाला जाऊन मिळतो. परंतु आसना नदीला मोठा पूर आल्याने या नाल्याचं पाणी शेवगावात शिरलंय. नागरिकांची मोठी तारांबळ या पावसामुळे उडाल्याचं दिसत आहे.